چودھری پرویزالہٰی کی پارٹی رکنیت معطل

تفصیلات کے مطابق صدر ق لیگ چودھری شجاعت حسین نےچودھری پرویزالہٰی کو شوکاز نوٹس جاری کردیا،وضاحت آنے تک چودھری پرویز الہٰی کی پارٹی رکنیت معطل رہے گی۔

شوکازنوٹس میں چودھری شجاعت حسین کا کہنا ہے کہ صوبائی صدر کو پارٹی کو ضم کرنے کا اختیار نہیں ہے ۔7دن میں چودھری پرویز الٰہی شوکازنوٹس کاجواب دے کر وضاحت دیں۔آپ سے آپ کے غیرقانونی بیان کی وضاحت مانگی جاتی ہے ۔

صدر ق لیگ چودھری شجاعت حسین کی زیرصدارت ق لیگ کا اہم اجلاس ہوا ۔جس میں طارق بشیر چیمہ،سالک حسین سمیت دیگر نے شرکت کی ۔اجلاس میں پارٹی کو تحریک انصاف میں ضم کرنے کی شدید مخالفت کی گئی۔ چودھری پرویز الٰہی کے بیانات کی بھی شدید مذمت کی گئی۔