الیکشن کمشنر آفس میں ہنگامہ ،مسلم لیگ ن کے 3اہم رہنما بھی گرفتار

ملتان ،ڈسٹرکٹ الیکشن کمشنر کے آفس میں ہنگامہ آرائی کے واقعہ پر مسلم لیگ ن کے سینیٹررانامحمود الحسن،ملتان این اے 155سے ن لیگی امیدوار شیخ طارق رشید  اور لیگی رہنما  ملک انور کوگرفتار کیاگیا۔

 پولیس کاکہنا ہے کہ  این اے 155سے ن لیگی امیدوار شیخ طارق رشید اور ملک انور کو نشترہسپتال ملتان سے حراست میں لیاگیا۔

واضح رہے کہ  ملتان میں الیکشن کمیشن کے دفتر کے باہر پی ٹی آئی اور لیگی کارکن گتھم گتھا ہوگئے۔ جس کے بعد ایک دوسرے پر گملوں سے حملہ کردیا۔ اس دوران کارکنوں نے ایک دوسرے کیخلاف شدید نعرے بازی بھی کی۔ کارکنوں میں کشیدگی کے بعد پولیس کی بھاری نفری موقع پر پہنچ گئی اور حالات کو قابو میں کرلیا۔