پشاور سے کراچی جانیوالی علامہ اقبال ایکسپریس ٹرین بڑے حادثے سے بچ گئی

حیدر آباد: پشاور سے کراچی جانے والی علامہ اقبال ایکسپریس ٹرین کوٹری میں بڑے حادثے سے بچ گئی۔

ذرائع کے مطابق پشاور سے کراچی جانے والی علامہ اقبال ایکسپریس کی بوگیاں کوٹری سٹیشن کے قریب الگ ہوگئیں، مسافروں کو متاثر ہونے والی ایک بوگی سے اتار دیا گیا ہے، تاہم کوئی جانی نقصان نہیں ہوا۔

ریلوے انتظامیہ کا کہنا ہے کہ ٹرین تیز رفتاری کے سبب ایک ٹریک سے دوسرے ٹریک پر جاتے ہوئے دو حصوں میں تقسیم ہوئی، حادثے کے سبب حیدر آباد سے کراچی کی آمدوروفت معطل ہوگئی، ٹرینوں کو حیدر آباد سٹیشن پر روک دیا گیا ہے۔