فن لینڈ نیٹو میں شامل، نیٹو کی روس کیساتھ سرحد بڑھ گئی

فن لینڈ کے نیٹو سیکورٹی اتحاد کا 31 واں رکن بنتے ہی روس کے ساتھ نیٹو رکن ممالک کی سرحدوں کی لمبائی دوگنی کر دی ہے۔

ایک فوجی بینڈ نے فن لینڈ کا قومی ترانہ بجایا اور اس کے بعد نیٹو کا ترانہ بھی بجایا گیا۔ احاطے کی باڑ سے پرے مظاہرین کے ایک چھوٹے سے گروپ نے یوکرین کے جھنڈے لہرائے۔

فن لینڈ کے وزیر خارجہ نے الحاق کی دستاویز امریکی وزیر خارجہ کے حوالے کی جنہوں نے فن لینڈ کو رکن قرار دیا۔

روس نے یوکرین پر اپنے مکمل حملے سے پہلے بارہا نیٹو کی توسیع کی شکایت کی تھی، فن لینڈ کا الحاق روس کے صدر ولادیمیر پوٹن کے لیے ایک دھچکا ہے۔

کریملن کے ترجمان دمتری پیسکوف نے خبردار کیا کہ روس فن لینڈ میں ہونے والی سرگرمیاں قریب سے دیکھ رہا ہے۔