مسلسل اضافے کے بعد سونے کی قیمت میں بڑی کمی

آل پاکستان جیمز اینڈ جیولرز ایسوسی ایشن کے مطابق آج فی تولہ سونا 2500 روپے سستا ہوا ہے۔

اس کمی کے بعد ملک میں فی تولہ سونے کا بھاؤ 2 لاکھ 14 ہزار 500 روپے ہے۔اسی طرح 10 گرام سونے کا بھاؤ 2 ہزار 142 روپے کم ہو کر ایک لاکھ 83 ہزار 900 روپے ہے۔

دوسری جانب انٹر بینک میں ڈالر کی قدر میں 2 روپے 10 پیسے کمی ہو گئی۔

انٹر بینک میں دوران کاروبار ڈالر 285 روپے 75 پیسے کا ہو گیا۔اوپن مارکیٹ میں ڈالر کی 294 روپے میں ٹریڈ ہو رہا ہے۔

واضح رہے کہ گزشتہ روز کاروبار کے اختتام پر ڈالر کی قیمت 287 روپے 85 پیسے تھی۔