کالعدم ٹی ایل پی کے سربراہ سعد رضوی کا کارکنوں کے نام اہم پیغام

تفصیلات کے مطابق   کالعدم ٹی ایل پی   کے سربراہ  سعد رضوی   نے شوریٰ ارکان کے نام پیغام  جاری کیا ہے۔کالعدم ٹی ایل پی کے سربراہ سعد رضوی کا کہنا ہے کہ مسجد رحمت العالمین  کے باہر دھرنا فی الفور ختم کیا  جائے،  کارکنان پر امن طور پر گھروں کو واپس جائیں۔

سعد رضوی کا مزید کہنا ہے کہ شوریٰ ممبران اپنے آ پ کو قانون کے حوالے کریں۔ 20اپریل کی احتجاجی کال  کو واپس لیا جائےگا،ظہیر الحسن شاہ میری ہدایت پر فوری اور مکمل عمل کرائیں۔

چند روز قبل  کالعدم تحریک لبیک پاکستان (ٹی ایل پی ) کےبینک اکاؤنٹس اوراثاثےمنجمدکرنےکی کارروائی شروع کردی گئی تھی۔اثاثےمنجمدکیےجانےکی کارروائی انسداددہشتگردی ایکٹ1997کےتحت کی گئی۔

قبل ازیں  وزارت داخلہ نے تحریک لبیک پاکستان ( ٹی ایل پی) کو کالعدم قرار دے دیا تھا۔ وزارت داخلہ کیجانب سے تحریک لبیک پاکستان پر پابندی کا نوٹیفکیشن جاری کردیا ہے۔ انسداد دہشت گردی ایکٹ 1997کے تحت تحریک لبیک پاکستان کو کالعدم قرار دیا گیا ہے۔

نوٹیفکیشن میں کہا گیا تھا کہ  تحریک لبیک پاکستان ملک میں دہشت گردی اور دوسرے گھناؤنے جرائم میں ملوث ہے۔ تحریک لبیک پاکستان  ملک میں لوگوں کواکسا کر انتشار پیدا کرنے میں ملوث ہے اس کے ساتھ ساتھ قانون نافذ کرنے والے اداروں کے اہلکاروں کی اموات اور زخمی کرنے میں بھی  ملوث ہے۔