وفاقی دارالحکومت میں سیکیورٹی ہائی الرٹ

وفاقی دارالحکومت  اسلام آباد میں سکیورٹی ہائی الرٹ کردی گئی ہے۔ترجمان اسلام آباد پولیس کے مطابق تمام داخلی و خارجی راستوں پر پولیس کی بھاری نفری تعینات کردی گئی۔ تمام اہم مقامات اور تنصیبات پر بھی پولیس اور رینجرز کی بھاری نفری تعینات کردی گئی ہے۔

ترجمان اسلام آباد پولیس کا کہنا ہے کہ  امن و امان کو برقرار رکھنے کے لئے تمام تراقدامات اٹھائے جائیں گے،  کسی بھی صورت کوئی شاہراہ کو بلاک کرنے کی اجازت نہیں دی جائے گی۔شہریوں کی جان و مال کے تحفظ کے لئے ہرممکن اقدامات اٹھائیں گے،  شہری امن و امان کو برقرار رکھنے میں پولیس کا ساتھ دیں۔