ن لیگ نے قرارداد پر نظر ثانی کیلئے سپیکر اسد قیصر سے ایک گھنٹے کا وقت مانگ لیا

تفصیلات کے مطابق سپیکر قومی اسمبلی اسد قیصر کے زیر صدارت میں ہونے والے ملکی تاریخ کے اہم اجلاس میں پاکستان میں تعینات فرانسیسی سفیر کی ملک بدری کی قرارداد پیش کی گئی جس پر ن لیگ کے رہنما  شاہد خاقان عباسی  نے کہا کہ میری گزارش ہے ایک گھنٹہ دیا جائے ہم قرارداد کو پڑھتے ہیں واپس آئیں پھر اس کو متفقہ طور یہاں پیش کی جائے، بحث کریں اور منظور کریں ۔ کسی سپیشل کمیٹی کی ضرورت نہیں ہے، پورا ہاؤس ہول کمیٹی ہے ۔

شاہد کاقان عباسی نے مزید کہا کہ آپ نے کل اجلاس ملتوی کیا آج پھر اجلاس بلایا ۔ پورا پاکستان اس معاملے پر کوئی دو رائے نہیں رکھتا مگر آپ اس کو ایوان میں متنازعہ بنارہے ہیں۔ آپ کو توفیق تک نہیں ہوئی کہ اپوزیشن سے پوچھ لیں کہ اجلاس بلانے کا مقصد کیا ہے ۔تحفظ ناموسِ رسالت اور ناموس رسالت پر کوئی دو رائے نہیں ہے مگر یہ قرارداد ناکافی ہے