امریکہ کسی ایک سیاسی امیدوار یا جماعت پر پوزیشن نہیں رکھتا،انٹونی بلنکن

سابق وزیراعظم اور پاکستان تحریک انصاف کے چیئرمین عمران خان کی گرفتاری پرامریکا نے ردعمل دیتے ہوئے کہا کہ ہم کسی ایک سیاسی امیدوار یا جماعت پر پوزیشن نہیں رکھتے۔

امریکی وزیر خارجہ انٹونی بلنکن نے کہا کہ عمران خان کی گرفتاری کے بارے میں آگاہ ہیں اور امریکا جیسے پہلے کہہ چکا ہے کہ وہ کسی ایک سیاسی امیدوار یا جماعت پر پوزیشن نہیں رکھتا ہے۔

ان کا کہنا ہے کہ پوری دنیا میں جمہوری اقدار کی عزت اور قانون کی حکمرانی کا مطالبہ کرتا ہے اور ہم زور دیتے ہیں کہ عمران خان کی گرفتاری پر تمام مظاہرین پُرامن طور پر اپنی شکایات کا اظہار کریں جبکہ حکام بھی حقوق، جمہوری اصولوں کے مطابق تحمل سے جواب دیں۔