وزیر اعلیٰ گلگت بلتستان جی بی ہاؤس اسلام آباد میں نظر بند

وزیراعلیٰ گلگت بلتستان خالد خورشید کو اسلام آباد میں موجود گلگت بلتستان ہاؤس میں نظر بند کردیا گیا۔ ذرائع کے مطابق جی بی ہاؤس سے پاکستان تحریک انصاف کی قیادت کو ہدایات جاری کرنے کے پیش نظر نظر بند کرنے کا فیصلہ کیا گیا۔

 فیصلہ جاری ہونے کے بعد رینجرز اور پولیس کی بھاری نفری جی بی ہاؤس کے باہر تعینات کردی گئی۔ وزیراعلیٰ گلگلت بلتستان کی نقل و حرکت پر بھی پابندی لگادی گئی ہے۔

اس کے علاوہ وزیر داخلہ گلگلت بلتستان شمس لون، وزیر قانون جی بی سہیل عباس اور دیگر کابینہ اراکین بھی وزیراعلیٰ کے ہمراہ ہیں۔