دنیا
نابلس میں پناہ گزینوں کے کیمپ پر اسرائیلی فورسز کا حملہ ، 3 فلسطینی شہید ، 6زخمی
تینوں افراد جھڑپوں کے دوران اسرائیلی فوجیوں کی طرف سے چلائی گئی گولیاں لگنے سے شہیدہوئے
رام اللہ: فلسطین میں شمالی مغربی کنارے کے شہر نابلس میں فلسطینی پناہ گزینوں کے کیمپ پر اسرائیلی فورسز کے دھاوے کے بعد پیر کی صبح شدید جھڑپیں ہوئیں، جس میں کم از کم3 فلسطینی شہید اور 6 دیگر زخمی ہوئے۔
چینی خبررساں ادارے کے مطابق فلسطینی وزارت صحت نے ایک بیان میں کہا ہے کہ تینوں افراد جھڑپوں کے دوران اسرائیلی فوجیوں کی طرف سے چلائی گئی گولیاں لگنے سے شہیدہوئے۔
عینی شاہدین نے بتایا کہ اسرائیلی فوج نے آدھی رات کو کیمپ پر دھاوا بول دیا جس سے فوجیوں اور فلسطینیوں کے درمیان جھڑپیں شروع ہو گئیں۔اس واقعے پر اسرائیل کی جانب سے فوری طور پر کوئی تبصرہ نہیں کیا گیا ہے۔
اسرائیل اور فلسطین کے درمیان جنوری سے کشیدگی بڑھ رہی ہے اور اسرائیلی فوجیوں کے ساتھ جھڑپوں میں 156 فلسطینی شہید ہو چکے ہیں۔\932
تفریح
معروف بھارتی اداکار رنبیر کپور بہترین اداکار قرار
راجکمار راؤ بھارت میں پیدا ہونے والے عمدہ اداکاروں میں سے ہیں جبکہ رنبیر کپوربھارت کے بہترین اداکار ہیں
جنوبی بھارت کے اداکار فہد فاصل نے اداکار رنبیر کپور کو بہترین اداکار قرار دے دیا۔
اپنے تازہ انٹرویو کے دوران فہد کا کہنا تھا کہ میرے پاس چھپانے کو کچھ نہیں، مجھے ایماندار ہونا ہے، میں یہاں صرف اپنا کام کرتا ہوں۔ کسی چیز کےلیے بدتہذیبی نہیں ہے۔ میرا نہیں خیال کہ لوگ مجھ سے فلم پشپا کےلیے کسی جادو کی امید لگاتے ہیں۔ یہ (پشپا) خالصتاً شراکت داری ہے۔ لہٰذا یہاں میرا کام ہے جو واضح ہے۔
فہد فاصل کا کہنا تھا کہ مجھے لوگوں کی امیدیں پریشان نہیں کرتیں، کیونکہ میں اور میرے کئی دوست یہ سمجھتے ہیں کہ وکی کوشل اس دہائی کی بہترین دریافت ہیں، راجکمار راؤ بھارت میں پیدا ہونے والے عمدہ اداکاروں میں سے ہیں جبکہ رنبیر کپوربھارت کے بہترین اداکار ہیں۔ لہٰذا میں نہیں جانتا کہ وہ (مداح) مجھ میں کیا دیکھتے ہیں۔
تجارت
ڈالر کی قدر میں کمی ، پاکستانی روپیہ مستحکم
معیشت کے ماہرین کا کہنا ہے کہ آنےو الے دنوں میں پاکستانی روپیہ مزید مستحکم ہونے کی امید ظاہر کی جا رہی ہے
تفصیلات کے مطابق ڈالر کی قیمت مٰں 28پیسے کی کمی سے 277روپے 95پیسے کی سطح پر بھی آگئی تھی لیکن اس دوران سپلائی میں بہتری آتے ہی مارکیٹ فورسز کی ڈیمانڈ سے کاروبار کے اختتام پر ڈالر کے انٹربینک ریٹ 12پیسے کی کمی سے 278روپے 11پیسے کی سطح پر بند ہوئے۔
اسی طرح اوپن کرنسی مارکیٹ میں بھی سپلائی زائد ہونے کے سبب ڈالر کی قدر 29پیسے کی کمی سے 279روپے 09پیسے کی سطح پر بند ہوئی۔
واضح رہے کہ معیشت کے ماہرین کا کہنا ہے کہ آنےو الے دنوں میں پاکستانی روپیہ مزید مستحکم ہونے کی امید ظاہر کی جا رہی ہے ۔
تجارت
چکن کی قیمتوں میں کمی واقع
گزشتہ تین ہفتوں کے دوران چکن کی قیمت میں نمایاں کمی ہوئی تھی جو کہ 227 روپے فی کلو گرام تھی
لاہور: پاکستان پولٹری ایسوسی ایشن کے مطابق منگل کو لاہور میں چکن کی قیمتوں میں کمی دیکھی گئی۔
ابتدائی طور پر بڑھتے ہوئے قیمتیں اب گر گئیں، مرغی کا گوشت 78 روپے فی کلو کمی کے بعد 470 روپے فی کلو فروخت ہو رہا ہے۔
گزشتہ تین ہفتوں کے دوران چکن کی قیمت میں نمایاں کمی ہوئی تھی جو کہ 227 روپے فی کلو گرام تھی۔
اس کے علاوہ چوزے کی قیمت 220 روپے سے کم ہو کر 100 روپے رہ گئی ، اس سے قبل وزیر اعلیٰ پنجاب مریم نواز نے چکن مارکیٹ میں صارفین کا استحصال کرنے والوں کے خلاف کریک ڈاؤن کرنے کا وعدہ کیا تھا۔
اس مسئلے کو حل کرنے کی کوشش میں پولٹری فارمرز اور تاجروں کے خلاف سخت اقدامات شروع کیے گئے۔ قیمتوں کے اچانک اتار چڑھاؤ کی تحقیقات کے لیے ان اسٹیک ہولڈرز سے اسٹاک ڈیٹا طلب کیا گیا ہے۔
-
تجارت ایک دن پہلے
ملک میں سونے کی قمیت میں بڑا اضافہ
-
کھیل 2 دن پہلے
ٹی ٹوئنٹی ورلڈکپ جیتنے پر قومی ٹیم کے ہر کھلاڑی کے لیےایک لاکھ ڈالر انعام کا اعلان
-
تجارت 2 دن پہلے
گندم اسکینڈل میں ایک روپےکی کرپشن نہیں ہوئی، رہنما پی ٹی آئی
-
پاکستان 2 دن پہلے
عوامی مسلم لیگ کے سربراہ شیخ رشید احمد کی تندورپرروٹیاں لگانے کی تصاویر وائرل
-
پاکستان 2 دن پہلے
سعودی عرب کا اعلیٰ سطح کا تجارتی وفد پاکستان پہنچ گیا
-
کھیل ایک دن پہلے
ورلڈ کپ 2024 کیلئے قومی ٹیم کی نئی کٹ کی رونمائی
-
دنیا 2 دن پہلے
بھارت میں مذہبی آزادی نا ہو نے کے برابر ہے ، امریکی کمیشن
-
پاکستان 17 گھنٹے پہلے
افغان طالبان نے دوحہ معاہدے کی پاسداری نہیں کی، پاک فوج