اقوام متحدہ کے امن اہلکاروں کا عالمی دن آج منایا جارہا ہے

اقوام متحدہ کے امن اہلکاروں کا عالمی دن آج منایا جارہا ہے جس کا مقصد بین الاقوامی امن کے لئے اقوام متحدہ کے امن دستوںکے کردار کو اجاگر کرنا ہے۔

گزشتہ75 برس کے دوران اقوام متحدہ کے امن اہلکاروں نے عالمی امن و سلامتی کی کوششوں کے دوران بے شمار قیمتی انسانی جانوں کو بچایا۔یہ دن اقوام متحدہ کی ان کوششوں کی یاد میں منایا جاتا ہے جو اس نے خانہ جنگی اور داخلی تنازعات کے شکار ممالک میں امن قائم کر نے کیلئے کیں۔

پاکستانی امن فوجی دستوں نے بڑی مہارت اور لگن کے ساتھ اقوام متحدہ کے امن مشنوں کی کامیابی میں ہمیشہ بڑھ چڑھ کر کردار ادا کیا ہے۔ اقوام متحدہ کے امن مشنوں کے دوران27افسران سمیت 171 پاکستانی فوجیوں نے عالمی امن کی بحالی کے لئے اپنی قیمتی جانیں قربان کیں۔