بھارتی فورسز کا ایک اور پاکستانی جاسوس کبوتر پکڑنے کا دعوی سامنے آگیا

بھارتی فورسز کا ایک بار پھر پاکستانی جاسوس کبوتر پکڑنے کا دعویٰ سامنےآگیا،  بی ایس ایف نے دعویٰ کیا کہ  امرتسر کےقریب چیک پوسٹ پرکبوتراہلکارکےکندھےپرآکر بیٹھ گیا،  کبوترکی ٹانگ کے ساتھ سفید کاغذ پر ایک خفیہ کوڈ لکھا ہےجو کہ درحقیقت موبائل نمبرہے۔

بی ایس ایف نے یہ خفیہ کوڈ، ڈی کوڈنگ کے لئے بھیج دیااور کبوترکو مقامی پولیس کے حوالے کرتے ہوئے اس کے خلاف مقدمہ درج کرنے کا مطالبہ کیا ہے۔

بھارتی پنجاب پولیس حکام کے مطابق ایک پرندے کے خلاف مقدمہ کیسے درج کیا جاسکتا ہے۔ اس بارے قانونی ماہرین سے رائے مانگی گئی ہے۔جب تک کوئی فیصلہ نہیں ہوجاتا مبینہ جاسوس کبوترپولیس کی تحویل میں ہی رہے گا۔کبوترکے پاؤں کے ساتھ بندے کاغذ پر لکھےموبائل نمبرپررابطہ کیا تووہ بند تھا۔