ترکی ، دھماکہ خیز مواد بنانے والی فیکٹری میں دھماکہ، 5 مزدور جاں بحق

انقرہ: ترکی کے دارالحکومت انقرہ میں دھماکہ خیز مواد بنانے والی فیکٹری میں ہونے والے دھماکے کے نتیجے میں 5 مزدور جاں بحق ہو گئے ہیں۔

برطانوی خبررساں ادارے کے مطابق انقرہ کے گورنر واسپ ساہن نے میڈیا کو بتایا کہ انقرہ سے 40 کلومیٹر دور ایم کے ای نامی راکٹ اور دھماکہ خیز مواد بنانے والی فیکٹری میں دھماکے سے 5 کارکن جاں بحق ہوگئے ہیں۔

انہوں نے بتایا کہ فائر اور ریسکیو اہلکاروں نے اپنا آپریشن مکمل کر لیا ہے۔ فیکٹری میں کوئی کارکن پھنسا ہوا نہیں ہے۔انہوں نے مزید بتایا کہ مقامی پولیس اور قانون نافذ کرنےوالے ادارے حادثے کی تحقیقات کر رہے ہیں۔