سمندری طوفان کے اثرات بجلی کی پیداوار پر بھی پڑنے لگے

سمندری طوفان کے اثرات بجلی کی پیداوار پر بھی پڑنے لگے۔ سمندر میں ایل این جی کی ترسیل بھی متاثر ہوئی ہے۔طوفانی ہوائوں سے ونڈ پاور پلانٹس بھی بند کر دیئے گئے۔

ایٹمی پاور پلانٹس سے بھی بجلی کی پیداوار کم کر دی گئی ہے جس کی وجہ سے بجلی کا شارٹ فال بڑھ کر 7ہزار 284 میگاواٹ ہو گیا ہے۔بجلی کی مجموعی پیداوار 19 ہزار252 میگاواٹ ہے جو کہ 2 دن پہلے 21 ہزار میگاواٹ تھی۔ 

بجلی کی طلب 26 ہزار 500 میگاواٹ ہے لیکن شارٹ فال بڑھتا جا رہا ہے۔ پن بجلی سے 5 ہزار 600 میگاواٹ حاصل ہو رہی ہے اور سرکاری تھرمل پاور پلانٹ 750 میگاواٹ بجلی پیدا کر رہے ہیں جبکہ نجی شعبے کے بجلی گھروں سے  بجلی کی پیداوار 10 ہزار 500میگاواٹ رہ گئی ہے۔

ونڈ پاور پلانٹس تقریبا بند ہیں، ان سے صرف 100 میگاواٹ بجلی پیدا ہو رہی ہے اور آج مکمل طور پر اس کی پیداوار بند کر دی جائے گی۔ سولر پاور پلانٹ صرف 82 میگاواٹ بجلی پیدا کر رہے ہیں۔