خراب موسم میں ایئرلائنز کی جانب سے شیڈولز میں خلل پڑسکتا ہے،ترجمان سول ایوی ایشن

کراچی: بپر جوائے طوفان کے حوالے سے کراچی ایئرپورٹ کی بندش کی خبریں درست نہیں ۔ترجمان سول ایوی ایشن کے مطابق خراب موسم کی پیشگوئی کی صورت میں ایئرپورٹس پر طے شدہ ایس او پیز کے تحت حفاظتی اقدامات کئے جاتے ہیں۔

ایئرپورٹس پر ہوا کی رفتار اور موسم کے حوالے سے پائلٹس کو مسلسل با خبر رکھا جانا معمول کی بات ہے۔

غیر معمولی حالات میں پائلٹس زمینی و موسمی حقائق دیکھتے ہوئے ٹیک آف یا لینڈنگ کے لئے قریبی موزوں منزل کا فیصلہ کرتے ہیں ۔ترجمان کے مطابق سول ایوی ایشن اس حوالے سے ایئرلائنز اور پائلٹس کو پہلے ہی احتیاط برتنے کا نوٹم (عندیہ) جاری کرچکی ہے۔

خراب موسم میں ایئرلائنز کی جانب سے شیڈولز میں خلل پڑسکتا ہے۔