پٹرولیم کمپنی "شیل پاکستان " کا اپنے حصص فروخت کرنے کا فیصلہ

پٹرولیم کمپنی شیل پاکستان نے جاری ایک خط میں کہا ہے کہ پیرنٹ کمپنی شیل گروپ میں اپنے حصص فروخت کر رہی ہے، جس کی منظوری بورڈ آف ڈائریکٹرز کے اجلاس میں دی جا چکی ہے۔

Multinationals are on way out from Pakistan, now Shell has decided to sell its shareholding from Pakistan. The reasons include highly uncertain political environment, regulated markets, capital controls, import restrictions, policy inconsistency and higher taxes. Big… pic.twitter.com/gW3K2m5XyN

— Farrukh Habib (@FarrukhHabibISF) June 14, 2023

کمپنی کو 2022 میں ایکسچینج ریٹ، پاکستانی روپے کی قدر میں کمی، اور واجب الادا وصولیوں کی وجہ سے نقصان کا سامنا کرنا پڑا۔

ایس پی ایل نے اسٹاک ایکسچینج کیلئے جاری کئے گئے ایک نوٹس میں کہا کہ شیل پاکستان لمیٹڈ (ایس پی ایل) کے بورڈ آف ڈائریکٹرز کی 14 جون 2023 کو ہونے والی بورڈ کی میٹنگ میں شیل پیٹرولیم کمپنی لمیٹڈ (ایس پی سی او) نے ایس پی ایل میں اپنی شیئر ہولڈنگ فروخت کرنے کے ارادے سے مطلع کیا ہے۔

فی الحال یہ واضح نہیں کہ ایس پی سی او اپنا کتنا حصہ فروخت کر رہا ہے۔ نوٹس میں کہا گیا کہ ’اس اعلان سے ایس پی ایل کے موجودہ کاروباری آپریشنز پر کوئی اثر نہیں پڑے گا، جو بدستور جاری ہے۔‘