پیپلز پارٹی اعلیٰ قیادت کی وزیراعظم سے ملاقات، سیاسی صورتحال پرتبادلہ خیال

اسلام آباد: پاکستان پیپلزپارٹی کی اعلیٰ قیادت نے وزیراعظم محمد شہباز شریف سے ملاقات کی۔ ملاقات کے دوران ملک کی سیاسی صورتحال پر تفصیلی تبادلہ خیال کیا گیا۔

وفدنے معاشی مشکلات کے باوجود بجٹ میں عوامی فلاح وبہبود سے متعلق کئے گئے اقدامات پر وزیراعظم کو خراج تحسین پیش کیا۔وفد میں وزیر تجارت سید نوید قمر، وزیر موسمیاتی تبدیلی شیری رحمان، وزیرآبی وسائل سید خورشیدشاہ، مشیر امور کشمیروگلگت بلتستان قمر زمان کائرہ، وزیراعلیٰ سندھ سید مراد علی شاہ اور سینیٹر نثار احمد کھوڑو شامل تھے۔

اس موقع پر وزیرخزانہ اسحاق ڈار اور وزیر منصوبہ بندی احسن اقبال بھی موجود تھے۔