اردن میں ہیلی کاپٹر کا حادثہ ،ایک پائلٹ جاں بحق،دوسرا زخمی

اردن فضائیہ کا جنگی ہیلی کاپٹر گر کر تباہ ہوگیا جس کے نتیجے میں دونوں پائلٹس کو شدید زخمی جبکہ ایک نے دوران علاج دم توڑ دیا۔

عالمی خبر رساں ادارے کے مطابق اردن کی فضائیہ کے جنگی ہیلی کاپٹر میں تربیتی پرواز کے دوران آگ بھڑک اُٹھی۔ پائلٹ نے آبادی کو بچانے کے لیے ہنگامی لینڈنگ کی کوشش کی لیکن ناکامی پر ہیلی کاپٹر کو عمان کے شمالی علاقے کے نزدیک گرا دیا۔

دونوں پائلٹس نے ہیلی کاپٹر کے زمین پر گرنے سے قبل چھلانگ لگا دی تھی۔ پائلٹس کو شدید چوٹیں آئی تھیں جس کے باعث انھیں اسپتال منتقل کیا گیا تھا جہاں ایک پائلٹ موت و زیست کی کشمکش میں زندگی کی بازی ہار گیا۔

اردن کی مسلح افواج کے ترجمان کی جانب سے جاری بیان میں کہا گیا ہے کہ ہیلی کاپٹر حادثے میں شہریوں کا کوئی جانی اور مالی نقصان نہیں ہوا۔ واقعے کی تحقیقات کے لیے انکوائری کمیٹی تشکیل دیدی گئی