آئی پی پی کا10 روز میں پارٹی منشور تیار کرنے کا فیصلہ

ترجمان کے مطابق عامر محمود کیانی پارٹی کی منشور کمیٹی کے کنوینر ہوں گے جبکہ اسحاق خاکوانی،نعمان لنگڑیال، رانا نذیرخان، سعید اکبرنوانی، چوہدری ایم اشفاق، نوریز شکور اور پیر سعید الحسن شاہ منشورکمیٹی کے رکن ہوں گے۔

اعلامیے کے مطابق کمیٹی کے کنوینر عامر محمود کیانی کسی بھی ایک ماہرکو منشور کمیٹی کا رکن بناسکیں گے، کمیٹی 10 روز میں استحکام پاکستان پارٹی کے منشور کے مسودے کو تیارکرکے 10 روز میں پیٹرن انچیف جہانگیرترین اور صدر عبدالعلیم خان کو پیش کرے گی۔

دوسری جانب استحکام پاکستان پارٹی نے تنظیم سازی کا عمل بھی تیز کردیا ہے اور اس مقصدر کےلیے سیکرٹری جنرل عامر کیانی نے پارٹی کی ریجنل کمیٹیوں کا اعلان کردیا۔ پیٹرن انچیف جہانگیر ترین اور صدرعبدالعلیم خان کی مشاورت سے نوٹیفکیشن جاری کردیا گیا۔

ریجنل کمیٹی 10 دن میں اپنے ڈویژن میں ضلعی باڈی کیلئے نام تجویز کرے گی۔ کمیٹیاں ضلعی تنظیم سازی ہونے تک متعلقہ ڈویژن و اضلاع میں پارٹی امور دیکھیں گی۔