سابق چیف جسٹس جواد ایس خواجہ نے سویلینز کے فوجی عدالتوں میں ٹرائل کو سپریم کورٹ میں چیلنج کردیا

نجی ٹی وی کے مطابق سابق چیف جسٹس نے عام شہریوں کے ملٹری کورٹس میں ٹرائل کے خلاف درخواست وکیل عزیر چغتائی کے توسط سے دائر کی۔

اس درخواست میں موقف اختیار کیا گیا ہے کہ عدالتوں کی موجودگی میں ملٹری کورٹس کے ذریعے سویلینز کا ٹرائل غیر آئینی ہے،عدالت سے استدعا کی گئی ہے کہ ملٹری کورٹس میں عام شہریوں کے ٹرائل کو غیر قانونی قرار دیا جائے۔

درخواست میں وزارت قانون اور وزارت دفاع کے علاوہ پنجاب، خیبرپختونخوا، سندھ اور بلوچستان کی صوبائی حکومتوں کو بھی فریق بنایا گیا ہے۔