پاکستانی روپے کی قدر میں مزید اضافہ

پاکستانی روپے کی قدر میں مزید اضافہ ہوگیا۔

ڈیلرز کے مطابق اوپن کرنسی مارکیٹ میں ڈالر کی گراوٹ کا سلسلہ جاری ہے، بدھ کو کاروبار کے دوران امریکی کرنسی مزید ایک روپے کمی سے 291 روپے پر آگئی۔

ڈیلرز کا کہنا ہے کہ انٹربینک میں بھی پاکستانی روپیہ تگڑا ہوگیا، ڈالر 22 پیسے کی کمی سے 287 روپے پر ٹریڈ ہورہا ہے۔

واضح رہے کہ اوپن مارکیٹ میں چند روز کے دوران امریکی ڈالر کی قیمت میں 15 روپے سے زائد کی کمی ہوچکی ہے۔

وفاقی وزیر خزانہ اسحاق ڈار نے بجٹ اجلاس سے قبل اپنے ایک بیان میں کہا تھا کہ ڈالر اپنی اصل قیمت سے 40 روپے زائد میں فروخت ہورہا ہے۔