سپیشل اولمپکس، پاکستان نے ایک اور گولڈ میڈل جیت لیا

پاکستان کے عثمان قمر نےجرمنی میں جاری سپیشل اولمپکس ورلڈ گیمز کے سائیکلنگ ایونٹ میں گولڈ میڈل جیت لیا۔

پہلی مرتبہ ورلڈ گیمزمیں حصہ لینے والےعثمان قمر نے 5 کلومیٹر روڈ ریس کا فاصلہ 7 منٹ 21.59 سیکنڈ میں طے کیا۔

اس موقع پرعثمان قمر کا کہنا تھا کہ ورلڈ گیمز کیلئے بھرپور تیاری کی تھی ، مجھے امید تھی کہ میں وکٹری اسٹینڈ تک ضرور پہنچوں گا مگر گولڈ میڈل جیتنا ایک خواب تھا۔

میں اللّٰہ تعالیٰ کا شکر ادا کرتا ہوں جس نے مجھے سرخرو کیا۔انہوں نے کہا کہ میں اپنی ہیڈ کوچ ماہم طارق اور اسپیشل اولمپک پاکستان کا بھی مشکور جنہوں نے ٹریننگ میں میری بہت مدد کی۔