فوجی عدالتوں میں سویلین کے ٹرائل کے خلاف سماعت کرنے والا سپریم کورٹ کا بنچ ٹوٹ گیا

فوجی عدالتوں میں سویلین کے ٹرائل کے خلاف درخواستوں پر سماعت کرنے والا سپریم کورٹ کا بنچ ٹوٹ گیا۔

ان کے علاوہ جسٹس سردار طارق مسعود، جسٹس منصور علی شاہ اور جسٹس یحییٰ آفریدی ، جسٹس منیب اختر، جسٹس عائشہ ملک اور جسٹس مظاہر علی اکبر نقوی بھی بنچ کا حصہ تھے۔

قاضی فائز عیسیِ کا کہنا تھا کہ جب تک پریکٹس اینڈ پروسیجر ایکٹ پر فیصلہ نہیں ہوتا تب تک ہر پینچ غیر قانونی ہے، سب سے معذرت چاہتا ہوں۔ میں بینچ سے اٹھ رہا ہوں ،کیس سےمعذرت نہیں کر رہا۔

چیف جسٹس عمر عطاء بندیال نے ریمارکس دیئے کہ ہمارے دو ججز نے پریکٹس اینڈ پروسیجر کیس کی بنیاد پر اعتراض کیا ہے لیکن انہیں یہ معلوم نہیں کہ اٹارنی جنرل نے وقت لیا ہے۔

اعتزاز احسن نے استدا کی کہ قاضی فائز کیس سن لیں، جسٹس فائز کو کیس کی سماعت کرنی چاہیے۔ 

سردار لطیف کھوسہ کا کہنا تھا کہ اگر آپ کیس نہیں سنیں گے تو عوام کہا جائیں گے۔ جس پر جسٹس طارق مسعود نے ریمارکس دیئے کہ عوام کا خیال پہلے کیوں نہیں آیا۔

چیف جسٹس عمر عطاء بندیال نے ریمارکس دیئے کہ آپ کے کیس کا کوئی اور حل نکالتے ہیں۔

بعدازاں جسٹس قاضی فائز عیسیٰ اور جسٹس سردار طارق مسعود بنچ سے الگ ہو گئے جس پر فوجی عدالتوں میں سویلین کے ٹرائل کے خلاف درخواستوں پر سماعت کرنے والا سپریم کورٹ کا بنچ ٹوٹ گیا۔

یاد رہے کہ سابق چیف جسٹس جواد ایس خواجہ، سینئر وکیل اعتزاز احسن، کرامت علی اور چیئرمین تحریک انصاف نے درخواستیں دائر کر رکھی ہیں، درخواست گزاروں نے فوجی عدالتوں میں سویلینز کے ٹرائل کو غیر آئینی قرار دینے کی استدعا کر رکھی ہے