امیدہے ٹیم دورہ سری لنکا اور ایشیا کپ میں پاکستان کیلئے کامیابیاں سمیٹے گی ، ذکا اشرف

لاہور: چیئر مین پی سی بی مینجمنٹ کمیٹی ذکا اشرف نے کہا ہے کہ امیدہے ٹیم دورہ سری لنکا اور ایشیا کپ میں پاکستان کیلئے کامیابیاں سمیٹے گی۔

ان خیالات کا اظہار انہوں نے ہفتہ کے روز قومی کرکٹ ٹیم کی سری لنکا روانگی سے قبل کپتان بابر اعظم سے ٹیلیفونک گفتگو کرتے ہو ئے کیا۔ اس موقع پرچیئرمین ذکا اشرف نے قومی ٹیم کے لیے نیک خواہشات کا اظہار کیا اورایشیا کپ سے متعلق بابر اعظم سے گفتگو بھی کی۔کپتان بابر اعظم نے ذکا اشرف کو چیئرمین پی سی بی مینجمنٹ کمیٹی کا عہدہ سنبھالنے پر مبارکباد دی۔

کپتان بابر اعظم نے کہا کہ آپ کے پچھلے دور میں بھی پاکستان نے ایشیا کپ جیتا تھا، انشا ء اللہ اس بار بھی ایشیا کپ جیت کر پاکستان لائیں گے۔ انہوں نے کہا کہ پاکستان کرکٹ ٹیم کو مزید اوپر لے جانے کیلئے کوئی کسر نہیں چھوڑیں گے، وطن کی خاطر بھرپور توانائی کے ساتھ میدان میں اتریں گے۔