مادر ملت فاطمہ جناح پاکستان کی آزادی کی جدودجہد میں کلیدی حیثیت رکھتی تھیں،شہباز شریف

وزیر اعظم محمد شہباز شریف نے کہا ہے کہ مادر ملت فاطمہ جناح پاکستان کی آزادی کی جدودجہد میں کلیدی حیثیت رکھتی تھیں۔

اپنے ایک ٹویٹ میں وزیر اعظم نے کہا کہ مادر ملت محترمہ فاطمہ جناح نے قائد اعظم کی زندگی کے کٹھن اور مشکل مراحل میں ایک ایسی بہن کا کردار ادا کیا جس نے قائد کو ہمیشہ ہمت و حوصلہ بخشا اور ان کی مقصد کیلئے جدودجہد میں انکی طاقت بنیں۔

مادر ملت فاطمہ جناح ملکِ پاکستان کی آزادی کی جدودجہد میں کلیدی حیثیت رکھتی تھیں۔ انہوں نے قائد اعظم کی زندگی کے کٹھن اور مشکل مراحل میں ایک ایسی بہن کا کردار ادا کیا جس نے قائد کو ہمیشہ ہمت و حوصلہ بخشا اور ان کی مقصد کیلئے جدودجہد میں انکی طاقت بنیں۔ جب ملک کو انکی قیادت کی…

— Shehbaz Sharif (@CMShehbaz) July 9, 2023

انہوں نے کہا کہ جب ملک کو انکی قیادت کی ضرورت پڑی تو وہ لوگوں کی خدمت کیلئے آمریت کے سامنے ڈٹ کر کھڑی ہوئیں۔ انہوں نے سیاست کو محنت، لگن اور ذاتی غرض کے بغیر جیسے اصولوں پر استوار کرتے ہوئے ایسے نظریات کی پیروی کی روایت رکھی جو ذاتیات سے بڑھ کر قوم کی خدمت پر مبنی تھے۔ وزیر اعظم محمد شہباز شریف نے کہا کہ مجھ سمیت پوری قوم مادر ملت کو انکی 56ویں برسی پر خراج عقیدت پیش کرتی ہے