جدید ٹیکنالوجی کے حامل نوجوانوں کے لئے خطیرفنڈزفراہم کئے جائینگے:احسن اقبال

اسلام آباد: منصوبہ بندی اورترقی کے وزیراحسن اقبال نے کہا ہے کہ پاکستان کی تیز رفتارترقی کے لئے جدید ٹیکنالوجی کے حامل نوجوانوں کے لئے خطیر فنڈز فراہم کئے جائیںگے۔

انہوں نے ایک انٹرویو میں کہاکہ مخلوط حکومت نے محققین ،دانشوروں اورنوجوانوں کی حوصلہ افزائی اورترقی کے لئے منصوبہ وضع کیا ہے۔

احسن اقبال نے کہاکہ پاکستان ہرشعبے میں ترقی کی بھرپورصلاحیت رکھتاہے اورعوام کے مفاد کے لئے تمام دستیاب وسائل بروئے کارلائے جائیںگے۔