اتحادی حکومت کی پالیسیوں سے ملک کی معاشی صورتحال بہتر ہورہی ہے :اسحاق ڈار

اسلام آباد: وزیرخزانہ اسحاق ڈارنے کہا ہے کہ اتحادی حکومت کی دانشمندانہ معاشی پالیسیوں کی بدولت ملک کی معاشی صورتحال بہتر ہورہی ہے۔

انہوں نے یہ بات لاہورمیں پنجاب کے پچیس اضلاع کے صنعت وتجارت کے ایوانوں اور کاروباری تنظیموں کے نمائندہ وفد سے ملاقات میں کہی۔ انہوں نے کہا کہ تاجروں اورصنعتکاروں کوایک پلیٹ فارم پرلاناقابل تعریف ہے۔

نگران وزیراعلیٰ پنجاب محسن نقوی نے اس موقع پر کہاکہ نئی صنعتوں کے قیام اور نئے کاروبار شروع کرنے کے لئے این او سی کے اجراء کی غرض سے ون ونڈوسہولت فراہم کی جائے گی۔محسن نقوی نے تاجروں اورصنعتکاروں کے مسائل حل کرنے کے لئے صنعتوں کے محکمے میں ایک خصوصی سیل قائم کرنے کا اعلان کیا۔