ترکیہ کے امریکا کے ساتھ تعلقات نئے مرحلے میں داخل ہو رہے ہیں، رجب طیب اردوان

ترک صدر رجب طیب اردوان نے کہا ہے کہ امریکی صدر کے ساتھ ملاقات سےترکیہ کے امریکا کے ساتھ تعلقات نئےمرحلے میں داخل ہو رہے ہیں۔

روسی خبر رساں ادارے کے مطابق نیٹو اجلاس کے موقع پر ہونے والی ملاقات میں ترک صدر نے حالیہ صدارتی انتخاب میں کامیابی پر مبارک باد دینے پر امریکی ہم منصب کا شکریہ ادا کیا۔

ترک صدر نے کہا کہ سٹریٹجک میکانزم کے اندر سربراہان مملکت کی سطح پر مشاورت کا وقت آگیا ہے۔انہوں نے کہا کہ وہ نیٹو اجلاس کو اس حوالے سے ہمارے پہلے قدم کے طور پر دیکھتے ہیں اور اب ہم ایک نئے مرحلے کا آغاز کر رہے ہیں۔

انہوں نے امریکی ہم منصب کی صدارتی مہم کی کامیابی کے لیے نیک خواہشات کا اظہار کیا جس پر امریکی صدر نےمزید 5سال ایک ساتھ کام کرنے کی توقع ظاہر کی۔