نواز شریف کے آنے یا نا آنے سے اب سیاست میں کوئی فرق نہیں پڑے گا،شیخ رشید

عوامی مسلم لیگ کے سربراہ اور سابق وفاقی وزیر شیخ رشید احمد نے کہا ہے کہ نواز شریف کے آنے یا نا آنے سے اب پاکستان کی سیاست میں کوئی فرق نہیں پڑے گا اُن کی چڑیا اب کھیت چگ چکی ہے۔

اپنے ٹویٹ میں انہوں نے کہا کہ نواز شریف کی نااہلی آئینی ترمیم ہی ختم کر سکتی ہے نواز شریف نے اپنا احتساب قومی اسمبلی سے شروع کیا، خود خطاب کیا سپریم کورٹ نے کہا جے آئی ٹی بنا دیں تو انہوں نے کہا بنا دیں. جے آئی ٹی اور سپریم کورٹ نے دفاع کا پورا موقع دیا 5 رکنی بینچ نے فیصلہ سنایا قطری خط 1122 کا کردار ادا نہیں کر سکا اور تاحیات نااہل قرار پائے.

شیخ رشید کا کہنا تھا کہ نواز شریف سعودی عرب تحریری معافی نامہ مانگ کر گئے لندن میں 50 روپے کے اسٹام پیپر پر بیماری کا بہانہ بنا کر گئے بھائی وزیر اعظم ہے، سفارتی پاسپورٹ ہاتھ میں ہے تو انہیں پاکستان آنے سے کونسا خوف روکے ہوئے ہے۔ نواز شریف کے آنے یا نا آنے سے اب پاکستان کی سیاست میں کوئی فرق نہیں پڑے گا اُن کی چڑیا اب کھیت چگ چکی ہے اور بہت سا پانی پلوں کے نیچے سے گزر چکا ہے

13 پارٹیوں کابھان متی کاکنبہ عنقریب ایک دوسرے کا پوسٹمارٹم کرنے والا ہے 13 پارٹیوں کی ہانڈی چوک اور چوراہے میں پھٹنے والی ہے 20 تاریخ سےالٹی گنتی شروع ہو جائے گی اور 12 اگست تک کٹی کٹا نکل آئے گا الیکشن 60 دنوں یا 90 دنوں میں ہوتے ہیں اس کا فیصلہ 10 اگست تک ہو جائے گا جو پنجاب…

— Sheikh Rashid Ahmed (@ShkhRasheed) July 12, 2023

سابق وفاقی وزیر نے کہا کہ 13 پارٹیوں کا بھان متی کا کنبہ عنقریب ایک دوسرے کا پوسٹمارٹم کرنے والا ہے۔ 13 پارٹیوں کی ہانڈی چوک اور چوراہے میں پھٹنے والی ہے۔ 20 تاریخ سےالٹی گنتی شروع ہو جائے گی اور 12 اگست تک کٹی کٹا نکل آئے گا۔ الیکشن 60 دنوں یا 90 دنوں میں ہوتے ہیں اس کا فیصلہ 10 اگست تک ہو جائے گا۔ جو اپنے آپ کو ترپ خان سمجھ رہے ہیں انتظار کریں ان کے چوده طبق جلد روشن ہو جائیں گے، میرے بلاول کے ارمان آنسوؤں میں بہہ جائیں گے 

انہوں نے مزید کہا کہ جو پنجاب کے الیکشن کے ساتھ ہوا وہ قومی اسمبلی کے الیکشن کے ساتھ نہیں ہوسکتا ہر کوئی اپنی تاریخ دے رہا ہے لیکن سپریم کورٹ بھی انگشت بدنداں فیصلے دے گی اور الیکشن ہوکر رہیں گے الیکشن کمیشن الیکشن کی تیاری میں مشغول ہے۔ شہباز شریف نگران وزیراعظم کے اختیارات بھی چلمن کے پیچھے خود استعمال کرنا چاہتے ہیں لیول پلائنگ فیلڈ بھول جائیں یہ قصہ پارینہ ہو چکا ہے

24 کروڑ لوگوں کی خواہشوں کو پس پشت نہیں ڈالاجاسکتا موجودہ حکومت مہمان اداکار ہے اگست میں نگران حکومت کا انتظار ہے عوام دبئی لندن نہیں پاکستان میں پاکستان کے مستقبل کا فیصلہ کرے گی بہت سارے لوگ نگران حکومت کے لیے اپنی CV لے کر پھر رہے ہیں دیکھتے ہیں قرعہ فال کسی کے نام نکلتا ہے