انٹربینک میں کاروبار کے آغاز میں ہی امریکی ڈالر کی قیمت میں زبردست کمی

کراچی: انٹربینک میں آج (جمعرات کو) پاکستانی روپے کے مقابلے امریکی کرنسی امریکی ڈالر کی قدر میں زبردست کمی ہوئی ہے۔

تفصیلات کے مطابق کاروبار کے دوران انٹربینک میں ڈالر کی قدر 3 روپے 48 پیسے کمی کے بعد 274 روپے پر بند ہوئی۔

اس سے قبل گزشتہ روز (بدھ) کو ڈالر کی قدر 277.48 روپے پر بند ہوئی تھی۔

دوسری جانب پاکستان اسٹاک ایکسچینج (پی ایس ایکس) کے سو انڈیکس میں 367 پوائنٹس کا اضافہ ہوا ہے۔ ہنڈریڈ انڈیکس 45,882 پوائنٹس پر ٹریڈ کر رہا ہے۔