متحدہ عرب امارات نے نئے اسلامی سال پر عام تعطیل کا اعلان کر دیا

دبئی: متحدہ عرب امارات (یو اے ای) نے اسلامی نئے سال کے آغاز کے موقع پر پبلک سیکٹر کے لیے عام تعطیل کا اعلان کیا ہے۔

اماراتی میڈیا کے مطابق متحدہ عرب امارات کی حکومت نے وفاقی ملازمین کے لیے اسلامی سال کی تعطیل کی تاریخ کا اعلان کر دیا ہے۔ 21 جولائی بروز جمعہ وفاقی حکومت میں کام کرنے والوں کے لیے اسلامی سال نو کے موقع پر چھٹی ہوگی۔

اسی طرح خلیجی ریاست عمان نے نیا اسلامی سال 1445 منانے کی تاریخ کا باضابطہ اعلان کر دیا ہے، ملازمین سرکاری سطح پر دی جانے والی اس چھٹی سے لطف اندوز ہوں گے۔

ایمریٹس آسٹرونومیکل سوسائٹی (ESA) کے صدر ابراہیم الجروان نے پیش گوئی کی ہے کہ نیا ہجری سال (یکم محرم) بدھ 19 جولائی کو شروع ہونے کا امکان ہے۔ تاہم اسلامی کیلنڈر چاند نظر آنے پر مبنی ہے اس لیے تاریخیں اس بنیاد پر تبدیل ہوتی ہیں کہ کب چاند نظر آ رہا ہے.

دوسری جانب، کویتی لوگ آئندہ اسلامی نئے سال کے موقع پر چار روزہ طویل ویک اینڈ سے لطف اندوز ہوں گے۔ وزارتیں، ادارے، ایجنسیاں اور سرکاری ادارے کام کی دو دن کی معطلی کا مشاہدہ کریں گے جس کے بعد 21 اور 22 جولائی کو باقاعدہ ویک اینڈ ہوگا۔