سعود ی عرب کی مذہبی منافرت کے خلاف عالمی قرارداد کا خیرمقدم

جدہ: سعودی عرب نےیورپ میں قرآن جلائے جانے کے واقعات کے تناظر میں اقوام متحدہ کی انسانی حقوق کونسل کی جانب سے مذہبی منافرت کو روکنے کے لیے مزید اقدامات پر زور دینے سے متعلق قرارداد کا خیرمقدم کیا ہے۔

سعودی خبررساں ادارے کے مطابق سعودی عرب کی جانب سے جاری ب بیان میں کہا گیا ہے کہ مذکورہ قرارداد کی منظوری جو مملکت اور دنیا کے متعدد ملکوں کے پرزور مطالبات کے بعد سامنے آئی ہے جو مذاہب اور ثقافتوں کے احترام کے اصولوں اور انسانی اقدار کے فروغ کے لیے بین الاقوامی قوانین کی ضمانت ہے۔

جاری بیان میں سعودی عرب نے عندیہ دیا کہ وہ مکالمے، رواداری اور اعتدال کی سپورٹ میں اپنی تمام کوششیں جاری رکھے گا۔ واضح رہے کہ یہ قرارداد سویڈن میں قرآن کے نسخے کو جلائے جانے کے بعد سامنے آئی ہے۔