فوجی عدالتوں میں سویلینز کے ٹرائل کے خلاف درخواستیں سپریم کورٹ میں سماعت کے لئے مقرر

 سپریم کورٹ نے فوجی عدالتوں میں سویلین کے ٹرائل کے خلاف درخواستیں کو سماعت کے لیے مقرر کردیا۔ چیف جسٹس سپریم کورٹ آف پاکستان جسٹس عمر عطا بندیال کی سربراہی میں 6 رکنی لارجر بینچ 18 جولائی کو کیس کی سماعت  کرے گا۔

جسٹس اعجاز الاحسن، جسٹس یحیی آفریدی، جسٹس منیب اختر، جسٹس مظاہرعلی اکبر نقوی اور جسٹس عائشہ ملک  بینچ کا حصہ ہوں گے۔ رجسٹرار سپریم کورٹ کے مطابق لارجر بینچ 18 سے 20 جولائی تک کے لیے تشکیل دیا گیا۔ عدالت عظمیٰ نے مقدمے کے تمام فریقین کو نوٹسز جاری کردیے ہیں۔

اٹارنی جنرل نے گزشتہ سماعت میں ملٹری کسٹڈی میں 102 افراد کے ناموں کی تفصیلات عدالت میں جمع کرواٸی تھی۔

خیال رہے کہ سابق چیف جسٹس جواد ایس خواجہ، سینیئر وکیل اعتزاز احسن، کرامت علی اور چیئرمین تحریک انصاف عمران خان نے سپریم کورٹ میں درخواستیں دائر کر رکھی ہیں۔ درخواست گزاروں نے عدالت عظمیٰ سے فوجی عدالتوں میں سویلینز کے ٹرائل کو غیر آئینی قرار دینے کی استدعا کر رکھی ہے۔