پی ٹی آئی کی سابق ایم پی اے نے سیاست چھوڑ دی

لاہور: پاکستان تحریک انصاف (پی ٹی آئی) کی سابق رکن پنجاب اسمبلی (ایم پی اے) نیلم حیات ملک نے سیاست چھوڑنے کا اعلان کردیا۔

اپنے ایک بیان میں سابق ایم پی اے نیلم حیات نے کہا کہ چیئرمین پی ٹی آئی کی گرفتاری کے بعد ہمیں لبرٹی چوک لاہور پر احتجاج کی کال دی گئی، نیلم حیات نے کہا کہ وہ 9 مئی کے واقعات کی مذمت کرتی ہیں اور توڑ پھوڑ کی سیاست پر یقین نہیں رکھتیں۔

سابق ایم پی اے نے مزید کہا کہ فوج ہماری سرحدوں کی حفاظت کرتی ہے اور ہم سمجھتے ہیں کہ فوج کی وجہ سے ہی ملک قائم ہے۔

انہوں نے مزید کہا کہ جو نقصان اور توڑ پھوڑ جناح ہاؤس میں ہوئی ہے وہ دوبارہ نہیں ہونی چاہیے، موجودہ حالات کو دیکھتے ہوئے میں سیاست سے ریٹائرمنٹ کا اعلان کرتی ہوں۔