انتخابات پرانی مردم شماری کے مطابق ہی ہوں گے ، وزیرداخلہ

رانا ثنااللہ نے کہا کہ  اسمبلیاں اپنے وقت پر  تحلیل ہوجائیں گی تو الیکشن کمیشن اس بات کا پابند ہے کہ جو بھی حلقہ بندیاں اس وقت موجود ہوں گیں اس کے مطابق الیکشن کروائےجائیں گے۔

اس فیصلے پر حکومت کی اتحادی جماعت متحدہ قومی موومنٹ (ایم کیو ایم) کا اصرار ہے کہ انتخابات نئی مردم شماری کے تحت ہی ہونے چاہییں  جبکہ پیپلز پارٹی نے اس پر تحفظات کا اظہار کرتے ہوئے سوال اٹھا دیے ہیں اور صاف الفاظ میں کہا ہے کہ حکومت کا یہ فیصلہ کسی صورت بھی قابل قبول نہیں ہے۔

رانا ثنا نے مزید کہا کہ ’نئی مردم شماری پر کچھ سیاسی پارٹیاں متفق نہیں ہیں ، یہ معاملہ حل ہونا ضروری  ہے۔ مردم شماری کے معاملے پر فوری طور پر کوئی فیصلہ ہونا چاہیے ، اس کو ایسے انداز میں مکمل کرنا کہ سب کا اس پر اتفاق ہو، بہت ضروری ہے۔ یہ وقت طلب ہے اور اس میں ٹائم لگے گا، لیکن حکومت اپنے آخری ایام پورے کر رہی ہے اب حکومت کے پاس اتنا ٹائم نہیں ہے کہ مردم شماری کروائے لہذا اس بات پر ہی اتفاق کرنا ہوگا اور پرانی مردم شماری کے تحت ہی الیکشن ہونے چاہیے۔