وزیرِ اعظم شہباز شریف آج اسلام آباد میں نیشنل کینسر ہسپتال ، ماڈل سپیشل اکنامک زون کا سنگِ بنیاد رکھیں گے

اسلام آباد: وزیرِ اعظم محمد شہباز شریف آج (پیرکو)پاکستان انسٹیٹیوٹ آف میڈیکل سائنسز اسلام آباد میں نیشنل کینسر ہسپتال اوراسلام آباد ماڈل سپیشل اکنامک زون کا سنگِ بنیاد رکھیں گے۔

وزیر اعظم آفس کے میڈیا ونگ سے جاری بیان کے مطابق نیشنل کینسر ہسپتال میں اسلام آباد، راولپنڈی کے ساتھ ساتھ گردونواح کے علاقوں بشمول گلگت بلتستان کشمیر، خیبر پختونخوا اور ضم شدہ اضلاع کے لوگ بھی اس موزی مرض کے بین الاقوامی معیار کے علاج سے مستفید ہو سکیں گے۔ وزیرِ اعظم اس موقع پر خطاب بھی کریں گے۔وزیرِ اعظم محمد شہباز شریف آج اسلام آباد ماڈل سپیشل اکنامک زون کا سنگِ بنیاد رکھیں گے۔

اسلام آباد ماڈل سپیشل اکنامک زون وزیرِ اعظم محمد شہباز شریف کے ملک کی صنعتی ترقی کے ویژن کے عین مطابق ملک کے شمالی حصے میں مقامی و بیرونی سرمایہ کاروں کو صنعتوں کے قیام کا موقع دے گا۔ اس اکنامک زون سےروزگار کے 10 ہزار سے زیادہ مواقع پیدا ہوں گے۔وزیرِ اعظم تقریب سے خطاب بھی کریں گے