بلاول کسی افریقی ملک کا بھی وزیراعظم نہیں بن سکتا،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ  بلاول کسی افریقی ملک کا بھی وزیراعظم نہیں بن سکتا، خواب دیکھنے پر کوئی ٹیکس نہیں۔ 65غیر ملکی دورے کیے کمپنی کی مشہوری کے علاوہ کچھ نہ ملا۔ 

اپنے ٹویٹ میں شیخ رشید احمد کا کہنا تھا کہ مسلم لیگ ن، پیپلز پارٹی اور مولانا فضل الرحمان کےخواب دھرے کے دھرے رہ جائیں گے، مہنگائی کابوجھ عوام پرڈال دیا گیا ہے، بجلی کا بنیادی نرخ 25 سے بڑھا کر 29 کر دیا گیا ہے۔ بے شک ہر گھر میں لیپ ٹاپ دے دیں جس کے گھر بجلی کا بل جا رہا ہے، آٹا خرید کر کھا رہا ہے وہ انہیں الیکشن پر 440 وولٹ کا کرنٹ لگائےگا۔ 

ن لیگ پی پی پی مولانا فضل الرحمان کےخواب دھرے کے دھرے رہ جائیں گے ان کے خواب آنسوں میں بہہ جائیں گے مہنگائی کابوجھ عوام پرڈال دیاگیا ہے بجلی کابنیادی نرخ 25 سے بڑھا کر 29 کر دیا گیا ہے بے شک ہر گھر میں لیپ ٹاپ دے دیں جس کے گھر بجلی کا بل جا رہا ہے آٹا خرید کر کھا رہا ہے وہ انہیں…

— Sheikh Rashid Ahmed (@ShkhRasheed) July 17, 2023

انہوں نے کہا کہ عوام اور 13پارٹیوں کے درمیان نفرت انتہائی گہری ہوچکی ہے۔ غربت سے تنگ لوگ خودکشیاں کر رہے ہیں لیکن نام ہارٹ اٹیک کا لے رہے ہیں کیونکہ اہل خانہ پوسٹ مارٹم اور پولیس کی تفتیش نہیں چاہتے۔ پہلی بار لوگوں کے پاس قبر کے پیسے نہیں ہیں ضرورت مند لوگوں کو کفن دفن کا خرچہ بےنظیرانکم سپورٹ سکیم سے دیاجائے۔ جس ملک میں 8 لاکھ پروفیسرز، ڈاکٹرز اور انجینیرز ملک چھوڑ کے چلے جائیں تو پیچھے فضل الرحمان ہی رہ جاتاہے۔

سابق وفاق وزیر نے کہا کہ نواز شریف کو اہل بنانے کے لیے دو تہائی اکثریت چاہیے جو الیکشن کے بعد بھی ممکن نہیں، نواز شریف پگلا نہیں جو سعودی عرب سےپاکستان آئےگا۔ وہ لندن جائے گا، وہاں سےکب اور کس حال میں پاکستان آئےگا وہ اللہ کو پتا ہے۔ معافی نامہ دے کر سعودی عرب گیا، ضمانت نامہ دے کر لندن گیا وہ دونوں آپشن استعمال کر چکا ہے۔ سیاست کےآخری اوور شروع ہونے والے ہیں اُلٹی گنتی شروع ہونے والی ہے

شیخ رشید کا کہنا تھا کہ ایوب دور میں لوگ چینی کے خلاف نکلےتھے اس دور میں آٹا اور بجلی کے خلاف نکلیں گے۔ ان کو اقتدار نہ ملے تو بیمارہوجاتے ہیں، اقتدار ملے تو تقریروں اور سرکاری اشتہاروں کا جمعہ بازار لگا دیتے ہے۔ ریاست کوئی خلائی مخلوق نہیں ہوتی اس کا اہم جز عوام ہوتے ہیں جس کادیوالیہ کر دیا گیاہے۔