مسلم لیگ ن کے رہنما طارق فضل کا بیٹا حادثے میں جاں بحق ہوگیا

اسلام آباد: پاکستان مسلم لیگ نواز (پی ایم ایل این) کے رہنما طارق فضل چوہدری کے صاحبزادے عنزہ طارق پیر کی رات اسلام آباد میں ٹریفک حادثے میں جاں بحق ہوگئے۔

تفصیلات کے مطابق اسلام آباد کے علاقے سیونتھ ایونیو پر موٹر سائیکل سوار سے بچتے ہوئے عنزہ طارق کی گاڑی بے قابو ہو کر کھمبے سے ٹکرائی اور الٹ گئی۔

پولیس نے بتایا کہ ٹریفک حادثے میں طارق فضل کا بیٹا شدید زخمی ہوگیا جسے علاج کے لیے پاکستان انسٹی ٹیوٹ آف میڈیکل سائنسز (پمز) اسپتال منتقل کیا گیا تاہم وہ جانبر نہ ہوسکا۔