محرم الحرام کا چاند دیکھنے کیلئے مرکزی رویت ہلال کمیٹی کا اجلاس آج ہوگا

محرم الحرام 1445 ہجری کا چاند دیکھنے کیلئے مرکزی رویت ہلال کمیٹی کا اجلاس آج (منگل) شام کوئٹہ میں ہوگا۔

کمیٹی کے چیئرمین مولانا عبدالخبیر آزاد اجلاس کی صدارت کریں گے۔زونل اور ضلعی رویت ہلال کمیٹیوں کے اجلاس اپنے اپنے متعلقہ ہیڈکوارٹرز پر منعقد ہوں گے۔

ماہرین فلکیات کے مطابق 1445 ہجری کے چاند کی پیدائش ہو چکی ہے۔ محکمہ موسمیات کے کلائمیٹ ڈیٹا پروسیسنگ سینٹر کی رپورٹ میں بتایا گیا ہے کہ محرم 1445 ہجری کے چاند کی پیدائش 17 جولائی کی رات 11 بجکر 32 منٹ پر ہوئی تھی جب کہ محرم کا چاند آج 18 جولائی 29 ذوالحج کو نظر آنے کا امکان ہے۔

اگر چاند 18 جولائی کو نظر آئے گا تو یوم عاشورہ 28 جولائی بروز جمعہ ہونے کا امکان ہے۔محکمہ موسمیات کی رپورٹ کے مطابق 18 جولائی کو غروب آفتاب شام 7 بجکر 24 منٹ پر ہونے کا امکان ہے جب کہ چاند 8:00 بجے اٹھ سکتا ہے۔

غروب آفتاب کے وقت کراچی میں چاند کی عمر 20 گھنٹے 17 منٹ ہوگی۔ محرم الحرام کا چاند نظر آنے کی مدت غروب آفتاب کے 46 منٹ بعد ہے جبکہ چاند کی عمر 19 گھنٹے ہے۔