ملک کے مختلف حصوں میں مزیدمون سون بارشوں کی پیشگوئی

محکمہ موسمیات نے اس ہفتے ملک کے مختلف حصوں میں مزیدمون سون بارشوں کی پیشگوئی کی ہے۔

پیشگوئی کے مطابق بحیرہ عرب سے آنے والی مون سون ہوائیں آج رات ملک کے بالائی اور وسطی علاقوں میں داخل ہوں گی جن کی شدت میں کل سے اضافہ متوقع ہے۔

مون سون ہوائوں کے اس سلسلے کے دوران اتوار تک ملک کے مختلف علاقوں میں وقفے وقفے سے تیزہوائیں چلنے اورگرج چمک کے ساتھ موسلادھاربارش کاامکان ہے۔محکمہ موسمیات نے خبردارکیاہے کہ شدیدبارشوں سے اسلام آباد، راولپنڈی، پشاور، گوجرانوالہ، لاہور کے نشیبی علاقوں میں سیلابی صورتحال اورمری، گلیات، کشمیر،گلگت بلتستان اورخیبرپختونخوا کے پہاڑی علاقوں میں مٹی کے تودے گرنے کے واقعات کاخدشہ ہے۔