امریکی صدر نے اسرائیلی وزیر اعظم کو امریکہ کے دورے کی دعوت دے دی

امریکی صدر جو بائیڈن نے اسرائیلی وزیر اعظم بنجمن نیتن یاہو کو امریکہ کے دورے کی دعوت دے دی۔

وائٹ ہاؤس کی پریس سکریٹری کرائن جین پیئر نے کہا کہ جو بائیڈن اور نیتن یاہو ممکنہ طور پر اس سال کے اختتام سے قبل واشنگٹن میں ملاقات کریں گے۔

بائیڈن اور دیگر امریکی حکام نیتن یاہو اور ان کی حالیہ حکومت پر تنقید کرتے رہے ہیں۔ یہ حکومت اسرائیل کی تاریخ میں سب سے زیادہ انتہا پسندوں میں سے ایک ہے۔

حالیہ مہینوں میں نیتن یاہو نے مقبوضہ فلسطینی اراضی پر غیر قانونی بستیوں کی توسیع کے ساتھ ساتھ عدالتوں سے متعلق قانون سازی کو آگے بڑھایا ہے۔

ناقدین کا کہنا ہے کہ حالیہ قانون سازی اسرائیلی عدلیہ پر حکومتی کنٹرول کو بڑھا دے گی۔