سونے کی فی تولہ قیمت میں 6 ہزار 200 روپے کا اضافہ

سونا ہوا پہنچ سے بہت دور، مقامی صرافہ مارکیٹوں میں فی تولہ سونا 6 ہزار 200 روپے مہنگا ہوگیا۔

بین الاقوامی بلین مارکیٹ میں فی اونس سونے کی قیمت میں 10 ڈالر کا اضافہ ہوا اور عالمی مارکیٹ میں فی اونس سونے کی قیمت 1967 ڈالر کی سطح پر پہنچ گئی۔

دوسری جانب پاکستانی صرافہ مارکیٹوں میں بھی سونا 6 ہزار 200 روپے اضافے کے بعد فی تولہ 2 لاکھ 21 ہزار روپے کا ہو گیا جبکہ دس گرام قیمت میں 5 ہزار 316 روپے کا ہوشربا اضافہ کے بعد سونا 1 لاکھ 89 ہزار 472 روپے کا ہوگیا۔