چیئرمین پی ٹی آئی کو سزا الیکشن کے بعد ہوگی یا پہلے وزیرداخلہ نے خبردار کر دیا

اسلام آباد میں میڈیا  سے بات کرتے ہوئے  رانا ثنا اللہ کا کہنا تھاکہ شیخ رشید کو گرفتار کرکے اسے اہمیت نہیں دینا چاہتے، 9 مئی کے واقعات میں ملوث نہیں ان کے خلاف کارروائی نہیں ہونی چاہیے۔

رانا ثنااللہ کا کہنا تھا کہ چیئرمین پی ٹی آئی کو سزا یا نا اہلی ہوگی کچھ کہنا قبل از وقت ہے، سزا الیکشن سے پہلے یا بعد ہوگی اس بارے میں کچھ نہیں کہا جا سکتا  نواز شریف کی واپسی ممکن ہے لیکن  ابھی حتمی تاریخ نہیں۔

رانا ثنا اللہ کا کہنا تھاکہ پی ڈی ایم کی تمام جماعتیں اپنےاپنے  ٹکٹس  سے الیکشن لڑیں گی، کسی سیاسی جماعت کے ساتھ انتخابی اتحاد نہیں کریں گے، پنجاب میں قومی اسمبلی کی 100 اور صوبائی کی 200 سیٹیں ن لیگ حاصل کرے گی۔

راناثنااللہ نے  کہا کہ ایڈیشنل سیشن جج پر الزامات لگائے گئے الزامات سپریم کورٹ اورہائیکورٹ کے ججز پر بھی لگائے گئے  فیصلہ عدالت نے ہی  کرنا ہوتا  ہے، 190 ملین پاؤنڈ واپس لینے کیلئے سپریم کورٹ سے رجوع کرنا ہو گا، موجودہ حالات میں امید نہیں کی جاسکتی  کہ ہماری اپیل منظور ہو گی۔

چیئرمین پی ٹی آئی کو سزا الیکشن سے پہلے ہوگی یا بعد میں کچھ معلوم نہیں، وزیرداخلہ #GNN #BreakingNews #NewsUpdates #GNN_Updates pic.twitter.com/hFJwIWI9Fe

— GNN (@gnnhdofficial) July 18, 2023