سائفر ایک سازش تھی جسے سیاست کے لیے استعمال کیا گیا تھا،اعظم خان

چیئرمین پی ٹی آئی کے سابق پرنسپل سیکرٹری  اعظم خان نے  بتایا کہ چیئرمین پی ٹی آئی نے کہا تھا کہ سائفر کو غلط رنگ دے کر عوام کے سامنے ایک ایسا بیانیہ کھڑا کروں گا جس پر عوام ڈٹ جائے گی۔

چیئرمین پی ٹی آئی نے سائفر کو اداروں اور اسٹیبلشمنٹ کے خلاف ایک ڈھال بنایا اورعوام کے سامنے ایک جھوٹا بیانیہ کھڑا کیا ذرائع کے مطابق اعظم خان کا کہنا تھا  کہ سائفر کے معاملے پر کابینہ کے تمام  ارکان کو ملوث کیا گیا تھا،اورسب کو بتایا بھی گیا تھا کہ سائفر کو کیسے استعمال کیا جاسکتا ہے، سائفرمحض ایک جھوٹا ڈرامہ ہے جس  کا حقیقت سے کوئی تعلق نہیں ہے، سائفر کو صرف سیاسی مقاصد کے لیے استعمال کیا گیا، یہ ڈرامہ پری پلان بنایا گیا تھا۔

اعظم خان کا کہنا تھا کہ چیئرمین پی ٹی آئی نے سائفر مجھ سے 9 مارچ کو لے لیاتھا  اور بعد میں گم کر دیاتھا، چیئرمین پی ٹی آئی نے سائفرمحض ایک  ڈرامےاور سازش  کے ذریعےسے ہی  عوام میں ملکی سلامتی اداروں کے خلاف نفرت کا بیج بویاتھا ، چیئرمین پی ٹی آئی نے سائفرکو جان بوجھ کر ملکی سلامتی اداروں اور امریکا کی سازش اوربیرونی  مداخلت کا غلط رنگ دیا گیاتھا،منع کرنے کے باوجود چیئرمین پی ٹی آئی نے سیکریٹ مراسلہ ذاتی مفاد کے لیے لہرایا۔

 8 مارچ 2022 کو سیکرٹری خارجہ نے اعظم خان کو سائفر کے بارے میں بتایاتھا، شاہ محمود قریشی چیئرمین پی ٹی آئی کو سائفر کے متعلق پہلے ہی بتا چکے تھے لیکن چیئرمین پی ٹی آئی  نے سائفر کو اپوزیشن اور اسٹیبلشمنٹ کے خلاف بیانیہ بنانےکے لیے استعمال کرنے کا فیصلہ کر لیا تھا، چیئرمین پی ٹی آئی نے سائفر اپنے پاس رکھ لیا جو کہ قانون کی خلاف ورزی بھی تھی، سائفر واپس مانگنے پر چیئرمین پی ٹی آئی نے اس کے گم ہونے کا بتایاتھا۔