سائفر ایک حقیقت تھا ہے اور ہمیشہ رہے گا،عثمان ڈار

سائفر پر اعظم خان سے منسوب بیان پر پاکستان تحریک انصاف کے رہنما عثمان ڈار کا کہنا ہے کہ سائفر ایک حقیقت تھا ہے اور ہمیشہ رہے گا جس کو جھٹلانے کیلئے کسی شخص کے اغواء، تشدد اور زور زبردستی سے لئے گئے اعترافی بیان کی بس اتنی ہی حیثیت اور اوقات ہے جتنی اس امپورٹڈ حکومت کی ہے۔

اپنے ٹویٹ میں عثمان ڈار کا کہنا تھا کہ سائفر پر اُس وقت کی قومی سلامتی کمیٹی کا اجلاس، متفقہ اعلامیہ، ڈی جی آئی ایس پی آر کی پریس کانفرنس اور امریکی سفیر کا ڈی مارش آج کے نام نہاد اقبالی بیان کا جھوٹا بیانیہ تہس نہس کرنے کیلئے کافی ہے۔ حکومتی وزراء خود اعتراف کر چکے ہیں کہ سائفر کی کاپی وزارت خارجہ میں پڑی ہے۔

سائفر ایک حقیقت تھا ہے اور ہمیشہ رہے گا جس کو جھٹلانے کیلئے کسی شخص کے اغواء، تشدد اور زور زبردستی سے لئے گئے اعترافی بیان کی بس اتنی ہی حیثیت اور اوقات ہے جتنی اس امپورٹڈ حکومت کی ہے، سائفر پر اُس وقت کی قومی سلامتی کمیٹی کا اجلاس، متفقہ اعلامیہ،ڈی جی آئی ایس پی آر کی پریس…

— Usman Dar (@UdarOfficial) July 19, 2023

انہوں نے کہا کہ ہر پاکستانی جان چکا ہے کہ سندھ ہاوس میں لگنے والی منڈی سے لے کر استحکام پارٹی بننے تک اور پی ٹی آئی کے خلاف منظم کریک ڈاون سے لے کر سینئر رہنماوں کی علیہدگی تک یہ سب کچھ صرف ایک شخص (چیئرمین پی ٹی آئی )کو گرانے کا منصوبہ تھا۔ جسے گراتے گراتے ہر وہ شخص عوام کے ہاتھوں رسوا ہوا ہے جو اس مائنس ون جیسے گھناونے منصوبے کا حصہ بنا۔ خان کل بھی کھڑا تھا آج بھی ڈٹ کر کھڑا ہے، نواز شریف کی طرح ڈیل کر کے ملک سے بھاگے گا نہیں۔ انشااللہ