الیکشن کمیشن نے سیاسی جماعتوں سے مالی سال 23-2022 کے سالانہ گوشوارے طلب کرلئے

الیکشن کمیشن نے سیاسی جماعتوں سے مالی سال 23-2022 کے اکائونٹس کے سالانہ گوشوارے طلب کرلئے ہیں۔

الیکشن کمیشن کی جانب سے جاری پریس ریلیز کے مطابق سیاسی جماعتوں کو ہدایت کی گئی ہے کہ وہ 29 اگست یا اس سے قبل اپنے اکائونٹس کے گوشوارے جمع کروا دیں۔

اس کے ساتھ سالانہ آمدن،اس کے ذرائع اوراثاثے اور واجبات کی تفصیلات بھی مہیا کی جائیں یہ تفصیلات فارم ڈی پر دی جائیں۔