پی ٹی آئی چیئرمین جناح ہاؤس حملہ کیس میں قصوروار قرار

لاہور: انسداد دہشت گردی کی عدالت (اے ٹی سی) لاہور نے جمعہ کو پاکستان تحریک انصاف (پی ٹی آئی) کے چیئرمین کو 09 مئی کو جناح ہاؤس حملے کے کیس میں قصوروار ٹھہرایا۔

تفصیلات کے مطابق اے ٹی سی کے جج ابھر گل نے ڈیوٹی جج کی حیثیت سے کیس کی سماعت کی، جہاں سابق وزیراعظم عبوری ضمانت مکمل ہونے پر عدالت میں پیش ہوئے۔

اسپیشل پراسیکیوٹر فرہاد علی شاہ نے عدالت کو بتایا کہ پی ٹی آئی سربراہ سے تفتیش مکمل ہو چکی ہے اور ابھی تک ہونے والی تفتیش میں وہ قصوروار ہیں۔

انہوں نے مزید تفتیش کے لیے سابق وزیراعظم کے جسمانی ریمانڈ کی استدعا کی۔

سپیشل ڈیوٹی جج نے عبوری ضمانت میں 8 اگست تک توسیع کرتے ہوئے آئندہ سماعت پر وکلاء کو دلائل کے لیے طلب کر لیا۔

چیئرمین پی ٹی آئی کے خلاف سرور روڈ، گلبرگ، شادمان اور دیگر تھانوں میں مقدمات درج کر لیے گئے ہیں۔