یونان کشتی حادثہ میں جاں بحق افراد کی میتیں پاکستان پہنچ گئیں

یونان کشتی حا دثہ میں ہلاک ہونے والے افراد میں ڈی این اے میچ ہونے والے افراد کی میّتوں کو پاکستان پہنچا دیا گیا جس میں کھاریاں (گجرات) سے تعلق رکھنے والے دو نوجوان بھی شا مل تھے عبد لواحد اور محمد طاہر کا ڈی این اے میچ کرنے پر میتیں پاکستان پہنچائی گئیں ان کی تدفین ان کے آبائی گاؤں گجرات کے محلہ نیامت پورہ میں کی گئی۔

جنوبی یونان کے ساحل پر ماہی گیری کی کشتی الٹنے سے کم از کم 79 افراد ہلاک ہو گئے تھے  تاہم 100 سے زائد کو بچا بھی لیا گیاتھا۔ لیکن یونانی حکام اور انٹرنیشنل آرگنائزیشن فار مائیگریشن کا کہنا تھا کہ جہاز میں سینکڑوں مزید تارکین وطن بھی سوار تھے۔
اس سال یونان میں بحری جہاز کا تباہی کا یہ سب سے مہلک واقعہ ہے۔
یہ کشتی پائلوس کے جنوب مغرب میں تقریباً 50 میل (80 کلومیٹر) کے فاصلے پر ڈوبی تھی جب کوسٹ گارڈ نے ان کی مدد سے انکار کر دیا تھا۔
کوسٹ گارڈ نے کہا کہ کشتی کو منگل کو دیر گئے بین الاقوامی پانیوں میں یورپی یونین کی سرحدی ایجنسی فرنٹیکس کے ایک طیارے کے ذریعے دیکھا گیا تھا۔ اس نے مزید کہا کہ جہاز میں کسی نے بھی لائف جیکٹس نہیں پہن رکھی تھیں۔

اقوام متحدہ کے مطابق اس سال بحیرہ روم میں ایک اندازے کے مطابق تقریبا ایک ہزار افراد ہلاک اور لاپتہ ہو چکے ہیں۔