عدالت نے چیئرمین پی ٹی آئی کی ضمانت منظور کر لی

ڈسٹرکٹ اینڈ سیشن کورٹ اسلام آباد کی عدالت نےاپنے  فیصلے میں کہا کہ کارکنوں   کوانتشار پر  اکسانے کے الزام میں  چیئرمین پی ٹی آئی کے خلاف مقدمہ درج کیا گیاتھا، چیئرمین پی ٹی آئی پر الزام تھا  کہ انہوں نے کارکنان کو ویڈیو پیغام جاری کیا تھا کہ اداروں اور پولیس کے خلاف بھرپور ایکشن لینا ہے اور ملکی سلامتی کو خطرے میں ڈالنا ہے  اور ٹوئٹس کے ذریعے اکسایا۔

عدالت نے قرار دیا کہ گرفتاری کے بعد چیئرمین پی ٹی آئی کے ٹوئٹ یا ویڈیو پیغام کاثبوت ابھی تک موصول نہیں ہوا اور نہ ہی کسی سوشل میڈیا پلیٹ فارم پر موجود ہے ، ذہن اخذ نہیں کرسکتا کہ چیئرمین پی ٹی آئی نے خود کو ہائیکورٹ سے گرفتاری کی چال چلی۔

عدالت نے فیصلہ سناتے ہوئے کہا کہ دیگر شریک ملزمان کی طرح چیئرمین پی ٹی آئی کی ضمانت بھی کنفرم کی جاتی ہے۔

عدالت نے فیصلے میں یہ بھی  کہا کہ چیئرمین پی ٹی آئی پر 180 سے زائد ایک ہی طرح کی دفعات کے مقدمات درج کیے گئے ہیں، مقدمات سے پراسیکیوشن کی بدنیتی کو رد نہیں کیا جاسکتا۔